Introduction
Shiv ji ke kahani jo bhakti,shakti or gyan se bhari hai jab bhi hum dharm or adhyatma ke baat karte hai too ek naam sabse pehele dimag mai aata hai Bhagwan shiv unka roop ,unki bhakti or unki kahaniya har kisi k jeevan ko prabhavit karte hai. Aaiye jaane shiv ji k baare mai sab kuch janam se leker tandav or unki amar kahaniyo tak.Aise anek roop or bhakti ke dristikon se bhara hua hai Lord Shiva story hindi ka yeh paath.
Lord Shiva Ka Janm:Vishnu Puran ke Anusaar
Vishnu Puran ke mutabiq, Shiv ji Bhagwan Vishnu ke maathe ke tej se utpann hue the. Unka swabhav yogi aur dhyani hai. Unka roop tyag aur tapasya ka prateek hai.
Shivji k Pramukh Naam aur Arth
1. Mahadev: Sab devtaon ke devta — Ram ho ya Ravan, sabko ek drishti se dekhne wale.
2. Bholenath: Unka bhola aur dayalu swabhav unhe “Bholenath” banata hai.
3. Neelkanth: Samudra Manthan ke dauraan nikle halahal vish ko piya, tab unka gala neela ho gaya.
4. Pashupatinath: Sabhi jeev-jantuon ke rakshak — isliye “Pashupati”.
5. Bhutnath, Trilochan, Jatadhari, Shankar, Mahakaal, Umapati – Shivji ke anek roop.
Shiv-Parvati Vivaah: Prem aur Tapasya ki Amar Kahani
Mata Parvati ne Shiv ji ko pati banane ke liye kathor tapasya ki. Shiv ji ne unke prem aur bhakti se prasann hokar vivaah kiya. Yeh vivaah bhakti aur samarpan ka prateek hai.
Shiv Ji Ka Dhyana aur Shri Ram Bhakti
Ek bar Mata Parvati ne shiv ji se poocha – “Aap kiska dhyaan karte ho?”Shiv ji bole – “Main Shri Ram ka dhyaan karta hoon.” Unke liye “Ram” naam hi Vishnu ke hazaar naamon ke barabar hai.
Shivji Ka Aabha Mandal aur Roop
Ganga unke jataon mein virajmaan hai
Trishul aur Damru unki shakti ka prateek hain
Chandrama – shaanti aur sthirta ka sanket
Nag devta (Vasuki) – samay aur mrityu par vijay ka prateek
Shivji ke Putra-putriyaan
Ganesh & Kartikeya – Lokpriya santaan
Ayyappa, Jalandhar, Andhak – anya putra
Ashok Sundari, Mansa Devi, Jyoti – putriyaan
Bhagwan shiv ke 12 jyotirling our unke naam
1. Somnath – Prabhas Patan, Gujarat
2. Mallikarjuna – Srisailam, Andhra Pradesh
3. Mahakaleshwar – Ujjain, Madhya Pradesh
4. Omkareshwar – Mandhata Island, Madhya Pradesh
5. Kedarnath – Rudraprayag, Uttarakhand
6. Bhimashankar – Pune, Maharashtra
7. Kashi Vishwanath – Varanasi, Uttar Pradesh
8. Trimbakeshwar – Nashik, Maharashtra
9. Vaidyanath (Vaijnath) – Deoghar, Jharkhand (some consider Parli in Maharashtra also valid)
10. Nageshwar – Dwarka, Gujarat
11. Rameshwaram – Rameswaram Island, Tamil Nadu
12. Grishneshwar – Ellora, Aurangabad, Maharashtra
Raktbeej aur Maa Kali ki Kahani mein Shiv ka Yog
Maa Kali jab apne ugra roop mein sab kuch vinash kar rahi thi, tab Shiv ji ne swayam maa ke raste mein letkar unka roop shaant kiya. Ye drishya Krodh aur Shaanti ka sammelan dikhata hai.
Shiv Ji Ki Priya Bhojan Samagri
Til ke laddu, gud, dahi, aur bhang
Shivling ka Ganga jal, doodh, madhu, aur dahi se abhishek
Nataraj Roop aur Tandav Nritya
1. Ananda Tandav – Srishti aur Anand ka roop
2. Rudra Tandav – Vinash ka roop, jaise Sati ke deh-tyag ke baad hua tha
Ravan aur Bhagwan Shiv: Ravan-Ashtak ki Kahani
Ravan ne Shiv ji ko prasann karne ke liye apni bhujayein kaat di. Shiv ji ne prasann hokar use Chandrahas talwar di. Jab Ravan ne Kailash parvat uthaya, to Shiv ji ne apna angutha daba kar use roka. Ravan ne fir “Ravan Ashtak” gaya.
Nandi Maharaj: Shiv Ji ke sevak
Nandi maharaj shivji k sirf sevak he nahi, balki putr saman hain. Har Shiv Mandir mein pehle Nandi ko pranaam kiya jata hai.
Shiv Ji Ki Mrityu — Kya Mahadev Mar Sakte Hain?
Shiv ji anadi, anant, amar hain. Lekin Devi Mahapuran ke ek mat ke anusaar — Vishnu ji ne kaha tha: “Hum teeno dev (Brahma, Vishnu, Shiv) nashwan hai, keval Devi hi nitya hain.”Phir bhi, aam roop se Shiv ko Avinashi maana jaata hai.
Mera Anubhav Bhagwan Shiv Ke Saath
Jab bhi jeevan mai andhera mehsoos hua, Shiv mere saath the. Jab bhi mai “Om Namah Shivay” ka jaap karta hu, to ek alag shaanti milti hai. Unki bhakti ek adrushya sahara hai bina shikayat ke.
Conclusion
Is blog mein humne Lord Shiva Story in Hindi ko detail mein samjha hai.bhagwan Shiv ke roop anek hain — ve tapasvi bhi hain, grihasthi bhi. Unki bhakti se jeevan mein balance, shanti aur pragati aati hai.Unki kahaniyaan sirf kathayein nahi, balki ek jeevan drishti hai.Har dukh mein bas ek mantra yaad rakho –”ॐ नमः शिवाय” is blog mein hume Lord Shiva Story in Hindi ko detail mein samjha hai.
3 Responses