Introduction
Bhagwan shree Ram ko maryada purushottam ke roop mai pooja jaata hai unka jeevan dharm,nyay or Adarsh jeevan ka pratinidhitva karta hai.Ramayan ke kahani k madhyam se hume unka janam,shiksha,vivaah,vanvaas,lanka yudh or Rajya abhishek k alawa,jeevan k kai mahatvpurn ghatnaon ka gyan milta hai.
Aaiye jaante hai श्रीराम ji k jeevan ki puri yatra ko detail mai.
Bhagwan Ram Ka Janam
Janam ki tithi: Chaitra Shukla Navami, Treta Yug
Sthal: Ayodhya
Mata-Pita: Raja Dashrath aur Rani Kaushalya
Janam ka karan: Putra prapti ke liye Dashrath ne yagya kiya tha
NASA ke anusar: श्रीराम ka janam 10 January 5114 BCE, 12:05 AM par hua tha
Ram Ji Ka Parivaar
Mata-Pita: Dashrath aur Kaushalya
Bhai: Lakshman, Bharat, Shatrughan
Bahan: Shanta
Ram Ji Ki Shiksha Aur Gurukul Jeevan – Ek Adarsh Balak Se Maryada Purushottam Tak
Jab श्रीराम ji ka janam hua, tab se he unme divyata thi. Lekin ek mahan raja, ek adarsh putra, or maryada purushottam banne ke liye unhe bhi shiksha or anushasan k marg par chalna pada. Unka balpan bhi ek aam rajkumar ke tarah gurukul mai bitaya gaya, jahan unhone jeevan k sabse mahatvapurn gyaan or jeevan mulya seekhe
Gurukul Yatra Ki Shuruaat
Raja Dashrath ne apne chaaron putron – Raghunandan, Lakshman, Bharat or Shatrughan – ko Guru Vashishtha k ashram mai bheja tha. Ye ashram tha Mount Abu k paas sthit ek pavitra sthal par, jahan Aryaputra ne vedon, dharm, nyay aur rajneeti ki shiksha prapt ki.
Guru Vashishtha ne unhe dharm k saath-saath maryada, tyag aur sahansheelta ka bhi gyaan diya. Kosalesh ka vyavhaar, unka vinamr swabhaav or dhairya, isi gurukul ki den thi.
Shastra aur Astra Vidya – Guru Vishwamitra Ka Yogdan
Gurukul ki shiksha ke baad, Guru Vishwamitra ne unhe aur Lakshman ji ko apne saath liya. Vishwamitra ne dono ko astra-shastra, yudh neeti, raksha vidya aur rakshason se samna karne ke liye tayyar kiya.
Isi dauraan pehla yudh bhi hua — Tadka naamak raakshasi ka vadh. Ye wahi samay tha jab Vishwamitra ne divya astron ka gyaan diya jiska upyog Lanka yudh mein kiya gaya.
Mount Abu ke Vashishtha Ashram aur Kund ke baare mein:
Is pavitra sthal par sthit hai Vashishtha Ashram, jahan aaj bhi log darshan ke liye aate hain. Yahin par snan kund bhi hai, jise kaha jaata hai ki yudh se pehle wahan snan kiya gaya tha. Ashram ke andar ek mandir bhi hai jahan Guru Vashishtha, Mata Arundhati, aur Lakshman ji ki pratimaayein sthapit hain.
Isi ashram mai Guru Vashishtha ne yagy karke chaar Rajput vanshon ka utpatti kiya tha isliye yeh sthal itihaas aur adhyatma dono mai mahatvapurn maana jaata hai.
Gurukul Ka Jeevan: Tyag, Anushasan Aur Gyaan
Raghunandan ji ne rajkumar hote hue bhi gurukul ke anushasan ko poori nishtha se maana. Unka din yagya, paath, van ke kaam aur dhyaan mein vyatit hota tha. Guru ki seva aur gyaan mein lagav ne unhe ek adarsh jeevan ki disha di.
Ram Aur Sita Ka Vivaah
Bhagwan raghupati aur Mata Sita ka vivaah sirf ek rajkumar aur rajkumari ka sambandh nahi tha, balki yeh ek aisa pavitra milan tha jisme dharm, maryada, prem aur adarshon ka sangam hua. Ramayan ke is prasang ko Vivaah Panchami ke roop mein har saal bade shraddha ke saath manaya jaata hai.
Janakpur Ki Rajkumari – Sita Mata Ka Swayamvar
Sita Mata, Raja Janak ki putri thi — ek adarsh kanya, jinhe Bhoomi Devi ka avataar bhi mana jaata hai. Raja Janak ne apne darbaar mein ghoshna ki thi ki Sita ka vivaah usi veer ke saath hoga jo Bhagwan Shiv ka dhanush (Pinak) tod kar dikhaayega.
Yeh dhanush aam nahi tha – isse uthana bhi devtaon ke liye mushkil tha. Rajao, veeron aur yodhao ne koshish ki, par koi safal nahi hua. Swayamvar mein maun chaaya tha — tab aaye Ayodhya ke Rajkumar Ram apne guru Vishwamitra ke saath.
Shiv Dhanush Todne Ka Mahasamay
Sabke samne Raghukul Shiromani aur guru Vishwamitra ke aadesh se Shiv Dhanush uthane ka sankalp liya. Dheere-dheere Kosalesh ne dhanush uthaya – sab log dekhe ja rahe the – aur ek hi jhatke mein dhanush ko tod diya.
Swayamvar mein shankh aur dhol bajne lage, sab log Ikshvaku Vansh ke Yuvraj ki veerta se prabhavit ho gaye.
Raja Janak ne ghoshna ki —
“Yeh Raghunandan hi meri putri Sita ke yogya var hain.”
Ram-Sita Ka Vivaah – Ek Adarsh Sambandh Ki Shuruaat
Is ke baad Janakpur mein anand ka mahaul chha gaya. Ayodhya se Raja Dashrath aur unke saare putron ko vivaah ke liye amantrit kiya gaya. Sirf Ram-Sita hi nahi, balki:
Lakshman-Urmi
Bharat-Mandavi
Shatrughan-Shrutkirti
ka bhi vivaah hua. Pura Janakpur divyata se jagmaga utha.
भगवान श्रीराम or सीता माता ka vivaah ek aisa divya bandhan tha jo maryada aur prem ka adarsh bana.श्रीराम ne सीता माता ko hamesha samman diya, aur Sita ne har kathin samay mein Ram ka saath nibhaya.
Vivaah Panchami – Ek Divya Utsav
Yeh shubh ghatna Margshirsh Maas ki Shukla Panchami ko ghati thi, jise aaj hum Vivaah Panchami ke roop mein manate hain. Nepal ke Janakpur aur Bharat ke kai भगवान श्रीराम Mandiron mai is din shubh pooja, jhanki, aur katha ka aayojan hota hai.
Ram Ka Vanvaas – Tyag, Prem Aur Dharma Ka Amar Pramaan
Ramayan ka sabse moolbhut aur prabhavit karne wala khand hai श्रीराम ka 14 saal ka vanvaas. Yeh vanvaas keval ek raja ka rajya chhodna nahi tha, balki ek maryada purushottam ka dharm ke liye apna sab kuch tyag kar dena tha. Is yatra mein prem tha, tyag tha, sahansheelata thi, aur jeevan ke mahan gyaan ki seekh thi.
Vanvaas Ka Karan – Kaikeyi Ke Do Var
Raja Dashrath ne Raghunandan ko Ayodhya ka raja banane ka nirnay liya. Saara nagar harsh mein tha. Lekin raat ke andheron mein Kaikeyi ne Dashrath se apne do var maange:
1. Bharat ko Ayodhya ka raja banaya jaye
2. Raghunandan ko 14 varsh ke vanvaas par bheja jaye
Raja Dashrath vachanbandh the. श्रीराम ji ne bina kisi virodh ke pitri aagya ko svikaar kiya. Yahi unki maryada thi — bina krodh, bina shikayat.
Vanvaas Ki Yatra – Sita Aur Lakshman Ke Saath
Shree Raghupati ke van jaane par Sita Mata ne apne pati dharm ko nibhaya aur unke saath van gayi. Lakshman ji ne bhai ke prem mein apna saara sukh tyaag diya aur vanvasi jeevan svikaar kiya.
Teeno ne Ayodhya chhod kar apna safar shuru kiya — ek raja, ek rani aur ek bhakt-bhai.
Chitrakoot – Pehla Padav
Vanvaas ki pehli sharan thi Chitrakoot, jahan unhone valmiki aur anya rishiyon se ashirwad liya. Yahin par Bharat milne aaye the or श्रीराम ji ke khadau lekar wapas chale gaye the — tab se Nandigram mein Bharat ne श्रीराम ke khadau ko singhasan par rakha aur seva ki
Dandkaranya Aur Rishiyon Ka Ashram
Raghunandan ji ne Dandkaranya aur anya ghane vanon mein kai rishiyon ke ashramon mein samay bitaya. Unhone asuron aur raakshason se rishiyon ki raksha bhi ki. Vanvaas ke dauraan:
Jatayu se mulaqat hui — jo Sita ke apaharan ke samay Ravan se lada
Shabari se bhent hui — jisne Raghupati ke liye barson tak ber sambhal kar rakhe
Hanuman se pehli mulaqat yahi Rishyamook Parvat par hui
Sugreev ka mitrata sambandh bana
Vibhishan Lanka mein Kosalesh ke sath dharm par aaye
Panchvati Se Lanka Tak – Ek Yodha Ki Pehchan
Shree Maryada Purushottam ji ne Panchvati mein kuch samay bitaya — yahi se Sita Mata ka Ravan dwara haran hua. Uske baad Raghunandan ji ne Lanka jaane ke liye Rameshvaram tak yatra ki aur Ram Setu ka nirmaan karvaya.
Yeh safar ek raja ke vanvaasi banne ka nahi, balki ek divya yodha ke maryada mein jeevan jeene ka tha.
Ram Aur Hanuman Ka Sambandh – Bhakti Aur Bhagwan Ka Amar Rishta
Ramayan ke anek khandon mein agar sabse pavitra aur adarsh rishte ki baat ki jaye, toh Raghunandan aur Hanuman ka sambandh sabse uncha maana jaata hai. Ye rishta kewal bhakt aur bhagwan ka nahi, balki prem, samarpan, nishtha, aur seva ka aisa jeevant pramaan hai jo har yug mein logon ke liye prerna ka strot bana hua hai.
Rishyamook Parvat Par Pehli Mulaqat
Jab Shree Raghupati Sita Mata ki talaash mein van-van bhatak rahe the, tab unki yatra unhe Rishyamook Parvat tak le gayi — wahi jahan Sugreev apne bhai Bali se dar kar chhupa tha.
Yahin par Hanuman ji se unki pehli mulaqat hui. Hanuman ji ne brahmin ka vesh dharan karke Kosalnandan aur Lakshman se milan kiya aur pehli hi nazar mein unki divyata ko pehchaan liya.
Raghunandan ji ne Hanuman ke vinamr swabhaav, gyaan aur bhakti se itne prabhavit hue ki turant unhe apna mann, vachan aur karm arpit kar diya.
Param Bhakt Hanuman – Ram Bhakti Ki Jeevant Murti
Hanuman ji ne apne jeevan ka ek ek pal Raghuveer ki seva mein samarpit kar diya:
Sita Mata tak Raghunandan ka sandesh le jana
Lanka mein Shri Ramchandra ka prachaar
Ashok Vatika mein Sita se milan
Setubandh mein yogdaan
Yudh mein Lakshman ke liye Sanjeevani laana
Hanuman ji ka Kosalesh ke prati prem ek-tarfa nahi tha — AryaPutra bhi Hanuman ke bhaktibhav se gehra prabhavit hue. Unhone Hanuman ji ko gale lagaya aur kaha:
“Tum mere liye keval sevak nahi, parivaar ho.”
Jab Ram Aur Hanuman Ke Beech Hua Yudh
Ek lokkatha ke anusar, ek baar Hanuman ji ne Raja Sukanth ko bachane ke liye Raghunandan se yudh karne ki shapat li.
Jab Hanuman ko pata chala ki jiske viruddh ve ladne ja rahe hain wo swayam श्रीराम hai, to unka man vichlit ho gaya. Lekin Sukanth ko diya hua vachan nibhaane ke liye unhe श्रीराम ji se mukabla karna pada.
Hanuman ne श्रीराम ji ko yaad kar ke unke hi naam se apne praharon ka praarambh kiya — aur kya adbhut baat thi, Raghunandan ke teer bhi un par asar nahi kar rahe the.
Ant mein Hanuman ne प्रभु श्रीराम k charan pakad liye aur bola:
“Prabhu! Main aapka tha, hoon aur rahunga. Mujhse bhool ho gayi.
” प्रभु श्रीराम ji ne Hanuman ko gale lagaya aur vardan diya ki:
“Jab tak राम naam hai, tab tak Hanuman ki mahima bani rahegi.”
Sita Haran Aur Lanka Yudh – Dharma Aur Adharma Ka Mahasangram
Ramayan ka sabse peeda se bhara, lekin shaurya aur bhakti se ujwal khand tha — Sita Haran aur Lanka Yudh. Ye kahani kewal ek patni ke apaharan ki nahi, balki maryada, dharm, prem aur nyay ke liye ladne wale Ram ka adarsh pramaan bhi thi.
Panchvati Mein Sita Haran – Lakshman Rekha Ka Ullanghan
राम ji, Sita aur Lakshman vanvaas ke dauraan Panchvati mein kuch samay ke liye rukte hain. Yahi wo sthaan tha jahan Ravan ne ek chaal rachi.
Usne apne mama Marich ko swarna mrig (golden deer) banakar Sita ke samne bheja. Sita us mrig ko dekhkar राम se usse laane ke ichha vyakt karti hai. प्रभु राम uska peecha karte hain.
Tabhi Ravan brahman ka vesh dhaaran karke bhiksha maangta hai. Lakshman Rekha ke baahar jaane par Sita us chaal mein aa jaati hain.
Ravan unhe pakadkar Pushpak Vimaan se Lanka le jaata hai.
Hanuman Lanka Pahunchte Hain – Ashok Vatika Ka Samvad
Sita Mata ke apaharan ke baad Ram ji dukh se vyakul ho jaate hain. Yahi se shuruaat hoti hai Ram aur Hanuman ke divya sambandh ki. Hanuman ji, Ram ka sandesh lekar samundar paar Lanka tak pahunchte hain.
Wahan Ashok Vatika mein unki mulaqat Mata Sita se hoti hai. Hanuman unhe Ram ka vishwas dilate hain ki:
प्रभु राम apke liye Lanka tak aayenge aur aapko wapas zarur le jaayenge.
“Hanuman Lanka mein aag laga ke wapas laut jaate hain.
Ram Setu Ka Nirmaan – Nala Neel Ki Divya Kala
Ram ji Lanka jaane ke liye samundar ke paar ek pul (bridge) banate hain — jise aaj Ram Setu ke naam se jaante hain.
Ye pul banaya gaya tha Nala aur Neel dwara — Vanar sena ke pramukh engineers, jinke sparsh se pathar bhi paani par tairne lagte the.
Is setu ke madhyam se Ram aur unki Vanar Sena Lanka mein pravesh karti hai.
Lanka Yudh – Adharma Par Dharma Ki Vijay
Yeh yudh tha:
Ram aur Vanar Sena vs Ravan aur Rakhshas Sena
Dharma aur Satya vs Ahankaar aur Paap
Is mahaan yudh mein kai mahatvapurna ghatnayein hoti hain:
Meghnad (Indrajeet) ka vadh
Lakshman ka aghaat aur Hanuman dwara Sanjeevani laana
Kumbhkaran ka vadh
Vibhishan ka Ram ki sharan mein aana
Akhirkar, Ram ji ne Ravan ki nabhi mein divya baan maar kar uska vadh kiya — jahan uska amrit sthit tha. Ravan, jiska ahankaar asmaan chhoota tha, dharti par gir pada.
Sita Mata Ka Udhaar Aur Ram Ka Vijay
Ram ji ne Lanka par vijay paakar Sita Mata ko vapas paaya. Yeh vijay kewal patni ko paane ki nahi thi — yeh sachchai, prem aur dharm ki jeet thi.
Ram Ka Rajyaabhishek Aur Ayodhya Vaapsi – Ramrajya Ki Shubh Shuruaat
14 varsh ke vanvaas, Ravan ke vadh aur Sita Mata ke punar-milan ke baad, woh shubh ghadi aayi jiska Ayodhya vaasiyon ne varshon tak intezaar kiya tha — राम ji ka Ayodhya vaapsi aur unka rajyaabhishek. Yeh ghatna kewal ek raja ke singhasan par baithne ki nahi thi, yeh dharma, nyay aur maryada ki vijay thi.
Pushpak Vimaan Se Ayodhya Vaapsi
Raghunandan ne Lanka mein Ravan par vijay paane ke baad Pushpak Vimaan mein baithkar Sita Mata aur Lakshman ke saath Ayodhya ke liye yatra shuru ki.
Yeh yatra aasman se hone ke bawajood bhavnaon se bhari thi. Har manushya ke liye yeh ek prem aur nyay ki jeet thi — jahan pati, patni aur bhai vanvaas ke baad ghar laut rahe the.
Nandigram Mein Thaharav Aur Bharat Milap
Ayodhya ke paas sthit Nandigram mein Bharat ji 14 varshon se Raghukul Shiromani ke khadau ko rajgaddi par rakhkar seva kar rahe the. Unhone rajya chalaya, lekin apne bhai ke bina ek pal bhi raja hone ka ahankaar nahi kiya.
Jaise hi Bharat ko Raghunandan ke lautne ki khabar mili, unki aankhon se aansu behne lage. Maryadapurushottam ji ne Nandigram mein hi Bharat se milan kiya — jise Bharat Milap kaha jaata hai. Yeh milan bhaiyon ke prem, vachanbaddhata aur tyag ka pramaan tha.
Ayodhya Mein Divya Swagat Aur Rajyaabhishek
Ayodhya shehar ko phoolon, rangoli, deepak aur geeton se sajaya gaya tha. Saari nagri Ram ke swagat ke liye utsuk thi.
श्रीराम, सीता माता or Lakshman jaise hi Ayodhya mein pravesh karte hain, logon ke mann mein anand ki lehar daud jaati hai.
Phir hota hai राम जी ka Rajyaabhishek — jaise hi राम जी ne singhasan grahan kiya, Ramrajya ki sthapna hui.
Ek aisa raaj jahan:
Nyay sabke liye barabar tha
Na koi bhooka tha, na dukhi
Sabhi prakriti ke niyam ke anusaar jeevan jeete the
Prem, shanti aur satya ka samrajya tha
Diwali Ka Janam – Ram Ki Vaapsi Ka Tyohar
Dashrath Nandan ji ke ghar lautne ki khushi mein Ayodhya vaasiyon ne ghar-ghar deep jalaye — isi ghatna ko aaj hum Diwali ke roop mein manate hain.
Diwali kewal ek tyohar nahi, balki prakash ke andhkaar par vijay, sachchai ke jhooth par jeet aur nyay ke anayay par safalta ka utsav hai.
Sita Ka Agnipariksha Aur Vanvas – Ek Patni Ka Tyag, Ek Raja Ka Rajdharma
Ramayan ki kahani mein sabse dardnaak aur gahan bhavnao se bhara hua khand hai – Sita Mata ka agnipariksha aur vanvas. Ye kahani kewal ek stri ki pariksha nahi thi, balki dharma aur rajneeti ke takraav ka dardnaak pramaan thi.
Agnipariksha – Lanka Vijay Ke Baad
Shri Ramchandra ji ne Lanka mein Ravan ko harakar Mata Sita ko wapas paaya. Lekin Ravan ke mahal mein itne samay bitane ke baad logon ke mann mein Sita ke charitra ko lekar sandeh hone laga.
Ram, jo maryada purushottam the, ne swayam Sita Mata se kaha ki:
“Mujhe tumhare charitra par vishwas hai, lekin praja ke vicharon ka samman bhi mera kartavya hai.
“Sita ne bina kisi virodh ke Agnipariksha dene ka nischay kiya — jisme unhone pramaan diya ki unka man, vachan aur sharir sadaiv Ram ke liye hi pavitra raha.
Agnidev swayam prakat hue aur Sita Mata ke pavitrata ka gungan kiya. Ram ne unhe gale lagaya aur Ayodhya lekar laut aaye.
Praja Ka Sandeh – Ek Raja Ka Katin Nirnay
Kuch samay baad, Ayodhya mein kuch logon ne Sita ke charitra par punah prashn uthaya. Yeh sun kar Ram ji ka man vichlit ho gaya.
Ek raja ke roop mein unka dharm tha praja ki bhavnaon ka samman karna — chahe usme unka swayam ka dil toot jaye. Isliye Ram ne Sita ko vanvaas dene ka dukhbhara nirnay liya.
Bina kisi shikayat ke, Mata Sita ne Ram ke aadesh ko svikaar kiya aur chali gayi Vanvaas mein — ekla, garbhavastha mein.
Valmiki Ashram Mein Janm Diya Luv-Kush Ko
Sita Mata ne Maharishi Valmiki ke ashram mein sharan li, jahan unhone Luv aur Kush ko janm diya. Valmiki ne un dono ko shastra, shastra aur Ramayan ka gyaan diya.
Luv-Kush ne bina jaane ki Ram hi unke pita hain, Ayodhya mein Ram ke Ashwamedh Yagya ke ghode ko roka, aur veer yodhaon ki tarah uska samna kiya.
Akhirkar, jab Valmiki ne Ram ko bataya ki ye Luv-Kush unke putr hain, tab Ram ka hriday pighla. Lekin samaj ki maryada aur Sita ke apmaan ne ek aur kathin mod le liya.
Sita Ka Prithvi Mein Sama Jana
राम जी ne सीता माता ko vapas rajmahal laane ka nivedan kiya. Lekin Sita ne sabke samne Prithvi Mata se prarthna ki:
“Agar mera man, vachan aur sharir sadaiv shuddh raha ho, toh hey Maa Dharti, mujhe apne aanchal mein le lo.
“Turant dharti phat gayi, aur Mata Sita usmein sama gayi — sadaiv ke liye.
Luv-Kush Aur Ram Ka Samvad – Apne Pita Se Pehli Mulaqat
Ramayan ke Uttar Kand ka sabse pavitra aur bhavnaon se bhara hua prasang hai — Luv-Kush aur Ram ji ka samvad. Ye kahani kewal pita-putron ke milan ki nahi, balki sachchai, pehchaan aur maryada ka sangam hai.
Ashwamedh Yagya Aur Raja Ram Ka Ghoda
भगवान राम ne Ayodhya mein Ashwamedh Yagya ka aayojan kiya, jismein ek rajghoda ko chhoda jaata hai. Jo bhi us ghode ko rokta hai, use raja ke viruddh yudh karna hota hai.
Ye ghoda bhatakta hua Valmiki Ashram ke paas aaya — jahan Sita Mata apne putron Luv aur Kush ke saath rehti thi. Valmiki Rishi ne unhe Ramayan aur yuddh-vidya ka gyaan diya tha.
Luv-Kush Ne Ghoda Roka – Veer Putron Ka Pratham Pramaan
Luv-Kush, bina jaane ki श्रीराम unke pita hai, rajghoda ko rokte hain. Ayodhya se श्रीराम k veer senapati, aur phir Lakshman, Bharat aur Shatrughan tak bheje jaate hain — lekin Luv-Kush sabka samna karte hain aur sabko parajit kar dete hain.
Sab ashcharya mein aa jaate hain ki itne chhote balak itne samarth kaise ho sakte hain.
रामचंद्र जी Ke Samne Pehli Baar – Pita-Putra Ka Pehchaan Bhara Samvad
Ant mein प्रभु श्रीराम swayam aate hain. Unka samna hota hai Luv-Kush se — dono ladke राम जी ke charan mai juk kar bhagwan k roop mein vandana karte hain.
Tab Rishi Valmiki samne aakar ghoshna karte hain:
“Yeh dono veer balak, Luv aur Kush, aapke hi putr hain — Sita ke garbh se janme hue.
“Ram ka hriday pighal jaata hai. Unki aankhon se aansu behne lagte hain. Wo dono putron ko apne gale laga lete hain.
Sita Mata Ka Tyag Aur Ram Ka Vardaan
राम और सीता se prarthana karte hain ki ve Ayodhya chalein, lekin Sita apmaan bhari duniya mein wapas nahi jaana chahti. Ve Prithvi Mata se prarthana karti hain — aur dharti unhe apne andar sama leti hai.
श्रीराम, dukh ke saath, Luv-Kush ko uttardhikari ghoshit kar dete hain. Ek ko Uttar Kosal, aur dusre ko Dakshin Kosal rajya pradaan kiya jaata hai.
Bhagwan Ram Ke 10 Pramukh Mandir Aur Unke Sthal
1. Ram Janmabhoomi Mandir – Ayodhya, Uttar Pradesh
Visheshata: Bhagwan राम ka janmasthal
Abhi: 22 January 2024 ko pran-pratishtha hui
Sthal: Ayodhya, Sarayu Tat par sthit—
2. Ramasetu Temple – Rameshwaram, Tamil Nadu
Visheshata:राम Setu nirmaan ke purva is sthal par Ram ne Shivling sthapit kiya
Mandir: Ramanathaswamy Mandir ke paas
3. Kalaram Mandir – Nashik, Maharashtra
Visheshata: Ram, Lakshman aur Sita ke kale pratiroop
Sthal: Panchvati area, jahan Sita Haran ki ghatna hui thi
4. Kodandarama Temple – Vontimitta, Andhra Pradesh
Visheshata:राम, Sita aur Lakshman ki ekaakriti murti
Sthal: Kadapa district
5. Ram Mandir – Bhadrachalam, Telangana
Visheshata: Ramayan se juda sthaan, bhakton ke liye atyant pavitra
Sthal: Godavari nadi ke tat par sthit—
6. Shree Ram Mandir – Chitrakoot, Madhya Pradesh / Uttar Pradesh border
Visheshata:रामचंद्र जी ka vanvaas ke dauraan yahan vishraam
Sthal: Kamadgiri parikrama aur Bharat Milap Sthal bhi yahin hain
7. Ram Raja Mandir – Orchha, Madhya Pradesh
Visheshata: Ram ji ko raja ke roop mein pooja jaata hai
Sthal: Orchha ka Raj Mahal hi mandir bana diya gaya
8. Ramchaura Mandir – Hajipur, Bihar
Visheshata: Maanata hai ki Ram ji ne yahan jane se pehle mundan karwaya tha
Sthal: Hajipur (near Patna)
9. Thriprayar Sree Rama Temple – Kerala
Visheshata: Kerala ke Ramayan circuit ka pramukh sthaan
Sthal: Thrissur district
10. Sree Ramaswamy Temple – Kumbakonam, Tamil Nadu
Visheshata: Divya Ramayan sthalon mein se ek, South India ka prasiddh Ram Mandir
Sthal: Kumbakonam town
Bhagwan Ram Ki Mrityu Aur Moksha – Sita Se Virah Aur Vaikunth Ki Yatra
Bhagwan Ram ka jeevan jahan maryada, tyag aur dharm ka pramaan hai, wahin unki mrityu aur moksha ki kahani bhi itni hi divya aur adhyatmik hai. Yeh kahani kewal ek avataar ke is prithvi se viday ka varnan nahi, balki ek aadarsh jeevan ka antim charan hai.
Ram Ji Ka Jal Samadhi Aur Vaikunth Gaman
Sita ke prithvi mein sama jaane ke kuch samay baad, Ram ji ne apne jeevan ke sab kartavyaon ko poora kar diya. Unhone Ayodhya ke rajya ka daayitva Luv-Kush aur Bhakt Vibhishan ke haathon mein saunp diya.
Phir ek din Ram ji ne Sarayu nadi ke tat par jaakar jal samadhi lene ka sankalp liya.
Unhone apna rajvesh tyag diya
Prabhu Vishnu ke swaroop mein prakat hue
Sarayu nadi mein pravesh kiya
Aur Vaikunth dham ki yatra par nikal gaye
Kaha jaata hai ki Devta, Rishi aur Siddh Gan us samay unki agwaai kar rahe the.
Ram Ji Ka Vaikunth Pravesh – Narayan Ka SwaroopRam
Ram ji ke jal samadhi lete hi unka roop Vishnu Bhagwan mein parivartit ho gaya. Yeh ek pramaan tha ki Ram kewal ek maryada purushottam raja nahi, balki Swam Bhagwan Vishnu ke avataar the.
Unka Vaikunth gaman ek aadarsh jeevan ke samapan ka adhyatmiy roop tha.
Conclusion
Bhagwan Ram ka jeevan humein dharm, maryada, tyag aur nyaay ki seekh deta hai. Unka jeevan ek adarsh putra, adarsh bhai, adarsh pati aur adarsh raja ke roop mein hamesha yaad rakha jaayega. Aaj bhi unki kahani humein inspire karti hai ki hum bhi jeevan mein sachchai, dhairya aur nyaay ke path par chalein.
One Response