Introduction:
Tulsi ka paudha hindu dharm mein sabse Pavitra Mana jata hai. Tulsi ke paudhe Se as pas ka vatavaran bhi shudhy rahata hai . Hamare hindu dharm me Tulsi ke paudhe mein mata Lakshmi ka vas Mana jata hai Tulsi ka paudha har Hindi ghar mein paya jata hai.
Tulsi Apne aushadhi prabhav ki vajah se sabse acchi tarah jaani jaati Hai .Tulsi hamare aas pass ke paryavaran ko shuddh karne aur oxygen pradan karne mein madad karti hai ayurvedic davaiyon mein Tulsi ke bijon ko aur Tulsi ke patton ka upyog Kiya jata hai jo ki hamare liye bahut labhdayak hote Hain aur hamen Kai sari bimariyon Se bachate Hain. Aisa Mana jata hai ki Tulsi ke paudhe ko ghar mein lagane se Sukh, samriddhi ,aur Shanti rahti hai.
Tulsi ka dharmik mahatva:
Tulsi ka dharmik mahatva hai ise ghar mein sthapit karne se pavitrata ,Shuddhi, aur Shanti Bani rahti hai.Tulsi Mata ko Lakshmi ka hi Roop Mana jata hai aur uski Puja ki jaati Hai. Bhagwan Vishnu ko tulsi adhik Priye hai. Bhagwan Vishnu ki Aarti mein Tulsi ka mahatva hota Hai iske bina unki Puja adhuri Mani jaati Hain. Tulsi dal Arpit karne se hi Srihari ko prasann Kiya Ja sakta hai.
Tulsi Mata ki Puja vidhi:
Hindu dharm me Tulsi Mata ki puja subha or sham ke samay Deep jalakar ki jati hai. Tulsi ki puja krne se ghar me sukh samridhi aati hai. Subah snan krne ke baad shuddh vastra pehne aur Tulsi ke pass jakar us jagah ko saaf Karen aur tambe (copper) ke lauty se unhe shuddh jal ya Ganga jal Arpan Karen. Deep jalakar Tulsi Mata ki aarti Karen Sindoor, haldi Kumkum ,aur chawal Arpan Karen phool aur Prasad chadhaayein.
Tulsi mantra –
तुलसीं नरदश्रेष्ठा! नमस्यामि सदा हृषी।
विष्णुप्रिया नमस्तुभ्यं नमस्ते पुण्यदायिनि॥
Pooja ke niyam –
Tulsi ke podhe ko Shani, Ekadashi, aur Ratri ke samay sparsh nahin kiya jata hai.
Tulsi ka patta dakshin disha mein muh karke nahi todna chahiye.
Tulsi Mata ko chappal/joota pehn kar ya gande hatho se nahi chhuna chahiye.
Tulsi Vivah –
Hindu dharm main Kartik mas ke samay Tulsi Vivah badi dhum dham se Bhagwan shaligram yani ki (Shri Vishnu ) Bhagwan Se Kiya jata hai. Tulsi Vivah tithi Kartik Shukla ekadashi (Devuthani ekadashi) ke din manaya jata hai. Kartik mas ke Shukla paksh me ekadashi Se lekar purnima tak kbhi bhi tulsi vivah kr skte hai.
Tulsi Vivah katha –
paurani Manyata ke anusar rakshasi kul mein ek Kanya ka janm hua. Jinka naam Vrinda tha. vah Bachpan Se Hi Bhagwan Vishnu ki bhagti aur Sadhna mein dubi rahti thi jab Vrinda shadi ke yogya Hui to uske Mata pita Ne uska Vivah samudra manthan se paida hue Jalandhar naam ke rakshs se kar diya tha Vrinda Bhagwan Vishnu ki bhakt ke sath ek pativrata stri bhi thi. jiske Karan unka Pati Jalandhar samay ke sath aur bhi shaktishali ho gaya .
sabhi Devi Devta Jalandhar se darne Lage Jalandhar jab bhi yuddh ke liye jata tha to vrindha Puja paath karne baith jaati thi Vrinda ki Vishnu bhakti aur Sadhna ke Karan Jalandhar ko koi bhi Hara nahin pata tha ek bar Jalandhar mein devtaon per aakraman Kar Diya jiske bad sabhi Devta Jalandhar ko harane mein asamar ho rhe the tabhi sabhi Devta dukhi hokar Bhagwan Vishnu ki Sharan mein Gaye.
Jalandhar ke aatank ko khatm karne ke bare mein sochne lage, tab Bhagwan Vishnu ne apni Maya se Jalandhar ka roop dharan kar liya aur chhal se Vrinda ke pativrat Dharm ko nasht Kar Diya .isse Jalandhar ki Shakti kam hoti Gai aur vah yuddh mein mara Gaya. jab Vrindavan ko Bhagwan Vishnu ke chhal ka pata Chala to unhone Bhagwan Vishnu ko pathar Ban jaane ka shrap Diya.
Bhagwan ko pathar ka hote dekh sabhi Devi Devta pareshan ho gye fir Mata Lakshmi Ne Vrinda se prarthna ki jab jakar Vrinda Ne apna shrap wapas le liya .
aur khud Jalandhar ke sath sati Ho Gai jab unke sath bhasm Ho Gai to kahate Hain ki unki Rakh se ek paudha nikala jise Bhagwan Vishnu Ne Tulsi ka naam Diya or khud bhi ko bhi ek patthar mein samahit karte hue kaha ki aaj se Tulsi ke Bina Main koi bhi Prasad swikar nahin karunga aur is patthar ko shaligram ke naam se Tulsi ke Sath hi Puja jaega tabhi se Kartik mahine mein Tulsi ji ka shaligram ke sath Vivah Kiya jata hai.
Tulsi Vivah ki Puja vidhi –
Tulsi Vivah ke din Tulsi ke paudhe ka shaligram se Sanatan Dharm ke anusar Vivah karaya jata hai .shaligram ko Bhagwan Vishnu ka hi Roop Mana jata hai Tulsi Vivah ko log usi tarah Karate Hain jis tarah aam logon ke Vivah hote Hain.
hindu dharm ke anusar Tulsi Puja karane se Vishesh Labh prapt hota Hai. isliye Tulsi Vivah ko adhik mahatva Diya jata hai. Tulsi Vivah ke din kanyadan bhi Kiya jata Hai kyunki kanyadan ko sabse bada Dan Mana gaya hai .
Tulsi Vivah ke din suryoday se pahle uthkar snan Karen saaf vastra pahne aur vrat ka Sankalp len Tulsi Vivah ke din Tulsi ke paudhe ko Lal rang ki chunri udaye iske bad Tulsi ke paudhe per shringar ki vastue chadhaayein .
patthar ke shaligram Bhagwan ko Tulsi ke paudhe ke sath mein sthapit Karen uske bad Tulsi ke paudhe ka vidhi anusar pandit Ji Se Vivah karaen.
Tulsi ka upyog Aayurved ke anusaar-
Tulsi ka prayog ayurved mein Jadi buti ke roop mein prachin samay se rogon ke upchar ke liye kiya jata hai Tulsi ki pattiyan hamare swasthya ke liye bhi faydemand hoti hai.
1. Rogpratirodhak Shakti-
Tulsi Rogpratirodhak Shakti Ko bandhti Hai isse sharir ki bimariyon se ladne ki kshamta milti Hai. isse sharir mein pratiraksha koshikaon (immune cells) aur antibodies ka utpadan badhta hai, jo sharir ko Infection se ladne mein madad karta hai.
Prayog – Tulsi ko immunity booster ke liye istemal karne ke Kai tarike hain jaise ki Tulsi ke patton ko chabaana, Tulsi ki chai pina, ya Tulsi ke ark ko pina.
2.Mansik Shanti aur chinta Mukti-
Tulsi ka Sevan chinta depression main aaram deta hai.
Prayog– Tulsi ki chai ya Tulsi ka pani din mein ek ya do bar piye.
3. Sardi aur khasi mein faydemand-
Tulsi ka upyog Sardi zukham, cough Jaise rog mein aaram deta hai.
Prayog– Sardi khansi mein Tulsi ke patte ,adrak ,kali mirch ko garam Pani mein ubal Kar uska kada ya chai Banakr Pi sakte hain.
4. Pachan tantra mein faydemand-
Tulsi pet ki Sujan ko kam karti hai. Acidity kam karti hai , aur bhookh badhati hai Tulsi digestive fire ko bhi badhati hai
Prayog-Tulsi ke patton ko chabaana or aur ark ka Sevan Krna.
5. Diabetes mein upyogi-
Tulsi blood sugar ko control karne mein madad karti hai . Tulsi mein antioxidant hote Hain Jo pachan ko nuksan Se bachate Hain.
Prayog -Tulsi ke patton ka juice rojana Subha sham Khali pet.
6. heart disease mein upyogi-
Tulsi blood mein cholesterol ko kam karti hai aur heart ko majboot banati hai.
7. Tvacha (skin) ke liye faydemand-
Tulsi mein anti bacterial aur anti fungal gun hote Hain Jo skin infection hone se rokte hai.
Prayog-Tulsi ke patton ka Lep Banakar skin per lagne se bahut fayde hote Hain.
Tulsi Mata ke vrat aur unke Labh-
1.aadhyatmik labh-
Tulsi vrat atma ki Shuddhi karata hai aur Bhagwan se jodta hai Tulsi vrat se bhakti aur shradha mein vraddhi hoti hai. Ghar me sakaraatmak urja aati hai aur nakaratmak urja dur jati hai . Aur dhan ki prapti bhi hoti hai.
2. Swasth Labh-
Tulsi Mata Keval dharmik rup se pujniya nahin hai balki vaigyanik aur ayurvedic Roop se bhi upyogi hai Tulsi vrat mein paudhe ki niyam anusar Puja ki jaati hai aur Seva ki jaati Hai jisse ki anek mansik aur swasthya Labh dekhne ko milte Hain.
3. Parivarik Labh-
Tulsi ke paudhe ko ghar mein lagane se Sukh samriddhi aur Shanti Bani rahti hai aur Tulsi ki khushbu ke Karan Ghar mein bimariyan nahin failti Hai. Santan prapti ke liye Tulsi ke paudhe ko Shubh Mana gaya hai.
4. Papon ka Nash –
Ghar mein Tulsi ka paudha lagane se nakaratmak urja samapt hoti hai. Tulsi Mata ki Puja karne se purane janmon ke paap bhi nasht hote Hain.
Hindu dharm mein Tulsi Mala ko gale mein dharan karna shuddh aur Pavitra Mana gaya hai.isliye ise pahnane wale vyaktiyon Ko niyamon ka palan karna padta hai jaise ki.
-Tulsi Mala ko dharan karne se pahle ganga jal Se dhokar Hi dharan Karen.-Tulsi Mala pahnane wale satvik ya shakahari bhojan hi khaye.
-soch kram karne se pahle Tulsi Mala Ko utaar Na padta hai aur ganga jal se dho Kar Hi dobara pahanna chahiye.
-Tulsi Mala Ko ek bar dharan karne ke bad Baar Baar use utarana nahin chahiye.
-Tulsi Mala ko muhurt se dharan Kiya jata Hai Somwar ,guruwar , ya budhwar ko Tulsi Mala dharan karna Shubh Mana jata Hai. Lekin ravivar aur amavasya ke din Tulsi Mala ko dharan nahin kiya jata.
-Tulsi Mala pahnne Wale Ko jhoot nahi bolna chahiye.
-Tulsi pehen ne Wale Ko sharab ,juaa,ganja aadi gande aacharanon Se dur rahana chahiye.
Conclusion –
Bhartiya Sanskriti mein Tulsi ko bhut mahanta di jati Hai. Aushadhi ke roop mein bhi iska upyog Kiya jata hai aur har Ghar mein Tulsi ka hona bahut Shubh Mana jata hai .ham sabhi ko tulsi ke podhe ko apne gharon me lgana chahiye taki Ham swasth Rahe. hamara Parivar swasth Rahe aur Parivar mein khushhali Bani rahe. Tulsi ka mukhya upyog – Tulsi ke patton ko chabane se sharir mein Rogon ka Nash hota hai. Tulsi ki Puja karne se vrat karne se unhen jal Arpan karne se Shri Vishnu bahut jald prasann hote Hain Agar Tulsi hamare angan mein ghar mein virajman hai to hamare Papo Ka Nash hota hai aur moksh ki prapti hoti.
One Response